Plastik Cərrahiyyə İctimai Birliyi

«Plastik Cərrahiyyə» İctimai Birliyinin
N İ Z A M N A M Ə
«Plastik Cərrahiyyə» İctimai Birliyinin 
Ə S A S N A M Ə S İ

 

I. ÜMUMİ MÜDDƏLAR.

1. «Plastik Cərrahiyyə» İctimai Birliyi (bundan sonra- Birlik adlandırılacaq) ümumi maraqlar əsasında birləşmiş, könüllülük, üzvlərinin hüquq bərabərliyi prinsipləri əsasında yaradılan, öz fəaliyyətinin əsas məqsədi kimi gəlir əldə etməyi nəzərdə tutmayan ə əldə edilən gəliri öz üzvləri arasında bölməyən qeyri-hökümət təşkilatıdır və fəaliyyəti ölkə əraisini əhatə edir.

2. Birlik öz fəaliyyətiniAzərbaycan Respublikasının Konstitusiyasını, «Qeyri-Hökümət Təşkilatları (İctimai Birliklər və Fondlar) haqqında» Azərbaycan Respublikasının Qanunu, digər normativ-hüquqi aktlar və bu Nizamnamə əsasında həyata keçirir.

3. Birlik Azərbaycan Respublikası Ədliyyə Nazirliyində dövlət qeydiyyatına alındığı vaxtdan hüquqi şəxs statusu qazanır.

4. Birliyin hüquqi ünvanı: Bakı şəhəri, Yasamal rayonu, Şəfayət Mehdiyev küçəsi, 558-ci məhəllə, ev 43, 44, 45. 

II. BİRLİYİN MƏQSƏD VƏ VƏZİFƏLƏRİ.

5. Birliyin əsas məqsədi plastik cərrahiyyə sahəsində tibb elminin daha da təkminləşdirilməsinə kömək etməkdən ibarətdir.

6. Birlik məqsədlərəçatmaq üçün aşağıdakı vəzifələri həyata keçirir:

• Bu sahədə yüksək nailiyyətlərin əldə edilməsi məqsədilə xüsusi proqram və layihələrin həyata keçirilməsi;

• Mütəxəssislər arasında təcrübə mübadiləsinin aparılmasına kömək etmək;

• Azərbaycan üçün uyğun olan proqnozlaşdırma modellərini hazırlamaq;

• Istedadlı tibb xadimlərinə, elmi-pedoqoji işçilərə, idmançılara, tələbə və şagirdlərə, habelə tibb sahəsində ictimaiyyətin rəğbətini qazanmış şəxslərə yardım göstərmək;

• Bu sahədə kitabların çapına və yayılmasına kömək etmək və təqdimatını keçirmək;

• Əlillik hallarının qarşısının alıcı və müalicəvi tədbirlərin alınmasında iştirak etmək

• Bu Nizamnamədən irəli gələn başqa vəzifələri həyata keçirmək.

7. Bu Nizamnamədə nəzərdə tutulmuş vəzifələri həyata keçirmək üçün Birlik:

• Elmi araşdırmalar aparır, müxtəlif kurslar və seminarlar, dəyirmi masa və görüşlər, sərgilər təşkil edir, konfranslar, xeyriyyə marafonları, forumlar və s tədbirlər təşkil edir;

• Azərbaycan Respublikasının aidiyyatı dövlət orqanları və bələdiyyələri ilə əməkdaşlıq edir.

8. Birlik Azərbaycan Respublikasının Prezidentinin, Azərbaycan Respublikası Milli Məclisinin və bələdiyyələrin seçkisində iştirak edə bilməz.

III. BİRLİYİN HÜQUQLARI.

9. Birlik aşağıdakı hüquqlara malikdir:

• Öz adından əqdlər bağlamaq, əmlak və şəxsi qeri-əmlak hüquqları əldə etmək, vəzifələr daşımaq, məhkəmədə iddiaçı və ya cavabdeh kimi çıxış etmək;

• Fəaliyyəti barədə məlumatı sərbəst yaymaq;

• Azərbaycan Respublikasının ərazisində və xaricdə filial və nümayəndəlikləri təsis etmək;

• Birləşərək ittifaqlar yaratmaq, hüquqi şəxslərin ittifaqlarının yaradılmasında iştirak etmək, belə ittifaqlara qoşulmaq;

• Banklarda hesablar açmaq və hesablaşmalar aparmaq;

• Müstəqil balansa, üzərində adı yazılmış möhürə, ştampa və digər rekvizitlərə malik olmaq;

• Qanunvericilkdə qadağan edilməyən və nizamnamə məqsədlərinə uyğun olan sahibkarlıq fəaliyyəti ilə məşğul olmaq;

• Azərbaycan Respublikasının qanunverciliyi ilə müəyyən edilmiş digər hüquqlardan istifadə etmək.

IV. BİRLİYİN ƏMLAKI VƏ MALİYYƏ FƏALİYYƏTİ.

10. Birliyin mülkiyyətində binalar, qurğular, mənzillər, avadanlıqlar, inventarlar,pul vəsaitləri, səhmlər, digər qiymətli kağızlar və bu Nizamnamə ilə nəzərdə tutulmuş fəaliyyətin maddi təminatı üçün qanunvericiliklə qadağan olunmamış növlərdə əmlak ola bilər.

11. Birlik öz öhdəliklərinə görə əmlakı ilə cavabdehdir. Bu əmlak yalnız Azərbaycan Respublikasının qanunlarına uyğun olaraq özgəninkiləşdirilə bilər

12. Birliyin əmlakının pul və digər şəkildə formalaşdırılması mənbələri aşağıdakılardır:

• Təsisçilərin və ya Birlik Üzvlərinin müntəzəm və ya birdəfəlik üzvlük haqları;

• İdarə, müəssisə, yerli və beynəlxlaq təşkilatların və vətəndaşların könüllü verdikləri əmlak haqları və ianələri;

• Səhmlər, istiqrazlar, başqa qiymətli kağız və əmanətlərdən alınan dividendlər, gəlirlər;

• Öz əmlakından istifadə və onun satılması nəticəsində əldə edilən gəlirlər;

• Qrantlar;

• Sərgilərdən, konsertlərdən və digər tədbirlərdən əldə olunan gəlirlər;

• Təsis etdiyi müəssisələrin fəaliyyəti nəticəsində əldə olunan gəlirlər;

• Qanunvericilikdə qadağan olunmamış digər mədaxillər.

13. Birliyin üzvləri onun mülkiyyətinə daxil olan ayrı-ayrı obyektlər üzərində xüsusi hüquqlara malik deyil.

14. Birlik Azərbaycan Respublikasının qanunvericiliyində müəyyən edilmiş qaydada öz fəaliyyətinin məqsədlərinə və əmlakın təyinatına müvafiq olaraq öz əmlakı üzərində sahiblik, istifadə və sərəncam hüququna malikdir.

15. Birliyin hesabına daxil olmuş məqsədli vəsait başqa istiqamətlərdə xərclənə bilməz.

16. Birlik siyasi partiyalara maliyyə və başqa maddi yardım göstərə bilməz.

17. Birlik qanunvericiliklə müəyyən edilmiş qaydada maliyyə, statistik və sair hesabatlar tərtib edir və dövlət orqanlarına təqdim edir.

18. Birliyin birinci maliyyə ili dövlət qeydiyyatına alınma tarixindən başlayır və həmin ilin dekabr ayının 31-də tamamlanır. Növbəti maliyyə illəri 1 yanvardan dekabr ayının 31-dək olan dövrü əhatə edir

V. BİRLİYİN TƏSİSÇİLƏRİ VƏ ÜZVLƏRİ, ONLARIN HÜQUQ VƏ VƏZİFƏLƏRİ.

19. Birliyin təsisçiləri hüquqi şəxslər (dövlət hakimiyyəti və yerli özünüidarə orqanları istisna olmaqla) və ya 18 yaşına çatmış fiziki şəxslər ola bilərlər.

20. Təsisçilər bərabər hüquqlara malikdirlər. Təsisçilərin qarşılıqlı münasibətləri, hüquq və vəzifələri qanunvericiliklə, yaxud onların arasında bağlanmış müqavilə ilə və ya bu Nizamnamə ilə müəyyən edilir.

21. Azərbaycan Respublikasında hər bir fiziki və hüquqi şəxs (dövlət hakimiyyəti və yerli özünüidarə orqanları istisna olmaqla) İctimai Birliyin üzvü ola bilər. Birliyin təsisçiləri həm də Birliyin üzvləri hesab olunurlar.

22. Birliyə üzvlərin qəbulu Birliyin İdarə Heyəti tərəfindən aparılır.

23. Birliyə daxil olmaq üçün idarə heyyətinə yazılışəkildə müraciət edilir. Ərizəyə bir ay müddətində baxılır. Səsvermə nəticəsində idarə heyyətinin üzvlərinin yarıdan çoxu bu məsələyə müsbət münasibətlərini bildirdikdə, ərizəçi Birliyin üzvü seçilmiş hesab edilir.

24. Birliyin üzvləri öz aralarında bərabərhüquqlu olub aşağıdakı hüquqlara malikdirlər:

• Bu Nizamnamədə və digər sənədlərdə nəzərdə tutulmuş qaydada təşkilatın idarəçiliyində iştirak etmək;

• Birliyin hər hansı seçkili, o cümlədən rəhbər orqanına seçmək və ya həmin orqanlarda təmsil olunmaq;

• Birliyin fəaliyyətində və təşkil etdiyi tədbirlərdə iştirak etmək;

• Birliyin rəhbər orqanlarının fəaliyyəti barədə məlumat almaq, fəaliyyətinə nəzarət etmək;

• Öz mənafelərinin müdafiəsinə kömək göstərilməsi üçün Birliyə müraiət etmək;

• Onun hüquq və vəzifələri ilə bağlı hər hansı məsələnin müzakirəsində şəxsən iştirak etmək, Birliyin müvafiq orqanlarına etirazını bildirmək və şikayət etmək;

25. Birliyin üzvü yalnız Birliyin müvafiq orqanları səlahiyyət verdikdə həmin orqanı təmsil edə və ya onunadından bəyanatla çıxış edə bilər.

26. Birliyin üzvləri aşağıdakı vəzifələri daşıyırlar:

• Birliyin Nizamnaməsinə əməl etmək;

• Birliyin seçkili orqanlarının qərarlarını yerinə yetirmək;

• Nizamnamə tələblərinə riayət etmək;

• Birliyin tədbirlərində iştirak etmək.

27. Birliyə üzvlük haqının miqdarı Birliyin İdarə Heyyəti tərəfindən müəyyən edilir.

28. Birliyə üzvülüyə aşağıdakı hallarda xitam verilir:

• Könüllü olaraq Birliyin üzvlüyündən çıxdıqda;

• Birliyin üzvülüyündən çıxarıldıqda.

29. Birliyin üzvü aşağıdakı hallarda üzvlükdən xaric edilir:

• Birliyin adına ləkə gətirən hərəkətlərə yol verdikdə;

• Mütəmadi olaraq Birliyin işində iştirak etməkdən boyun qaçırdıqda;

• Nizamnamə məqsədlərinə zidd hərəkət etdikdə.

30. Üzvlükdən, təsisçilikdən çıxarılma İdarə eyyətinin qərarı ilə həyata keçirilə bilər.

31. Birlik üzvünün həmin qərardan Birliyin ali idarəetmə orqanına və məhkəməyə şikayət etmək hüququ vardır.

VI. BİRLİYİN TƏŞKİLATİ STRUKTURU VƏ İDARƏETMƏ ORQANLARI.

32. Birliyin ali idarəetmə orqanı ildə bir dəfədən az olmayaraq çağırılan Ümumi yığıncaqdır.

33. Ümumi yığıncaq Birliyin icra orqanının təsisçilərdən birinin və ya üzvlərinin ⅓ hissəsinin təşəbbüsü iləçağırılır.

34. Birliyin təsisçilərinə və üzvlərinə yığıncağın yeri və vaxtı haqqında iki həftə əvvəl məlumat verilməlidir.

35. Ümumi yığıncağın səlahiyyətinə aşağıdakılar aiddir:

• Birliyin Nizamnaməsinin qəbulu və ona dəyişikliklər edilməsi;

• Birliyin əmlakının formalaşması və istfadə prinsiplərinin müəyyən edilməsi;

• Birliyin icra orqanlarının yaradılması və onların səlahiyyətlərinin vaxtından əvvəl dayandırılması;

• Illik hesabatın təsbit edilməsi;

• Başqa təşkilatlarda iştirak;

• Birliyin yenidən təşkili və ləğv edilməsi;

• Birliyin icra orqanın rəhbərlərinin hesabatının dinlənilməsi.

36. Ümumi yığıncaq yalnız Birlik üzvlərinin yarısından çoxu iştirak etdikdə səlahiyytli hesab olunur.

37. Ümumi yığıncaqda müzakirə olunan məsələlər haqqında qərarlar sadə səs çoxluğu ilə qəbul edilir. Hər bir üzv bir səsə malikdir. Nizamnaməyə əlavə və dəyişikliklərin edilməsi və təşkilatın yenidən təşkili və ləğvi barədə qərarın qəbulu üçün ⅔ səs çoxluğu tələb olunur.

38. Birliyin fəaliyyətinə cari rəhbərliyi idarə heyyəti həyata keçirir.

39. İcra orqanı Birliyin Sədrindən, onun müavinlərindən və digər şəxslərindən ibarət olan Idarə Heyətidir.

40. İdarə heyəti kollegial icra orqanı olub aşağıdakı səlahiyyətlərə malikdir:

• Birliyin üzvlüyünə qəbul edir və üzvlükdən azad edir;

• Təkliflər və layihələr irəli sürür;

• Birliyin filiallarını yaradır və nümayəndəliklərini açır;

• Birliyin başqa idarəetmə orqanlarının müstəsna səlahiyyətlərinə aid edilməyən bütünməsələləri həll edir.

41. İdarə Heyəti üzvlərinin yarısından çoxu iştirak etdikdə səlahiyyətli sayılır və qərarları sadə səs çoxluğu ilə qəbul edilir.

42. İdarə Heyətinin sədri, müavinləri və digər üzvləri Birliyin Ümumi yığıncağı tərəfindən iki il müddətinə seçilir.

43. Sədr:

• Birliyi təmsil edir, onun adında müqavilələr bağlayır, etibarnaməni verir, Ümumi yığıncağın və İdarə Heyətinin qərarlarının icrasını təşkil edir;

• Ümumi yığıncaq tərəfindən və Nizamnamə ilə onun üzərinə qoyulan digər funksiyaları həyata keçirir.

44. Birliyin Nəzarət-Təftiş Komissiyası Birliyin vəzifəli şəxslərinin və üzvlərinin fəaliyyətinin Nizamnaməyə uyğun olunması, habelə Birliyin maliyyə fəaliyyəti üzərində nəzarəti həyata keçirir. Nəzarət-Təftiş Komissiyası üzvlərinin sayı Ümumi yığıncaq tərəfindən müəyyən edilir. Nəzarət-Təftiş Komissiyasının səlahiyyət müddəti 2 ildir. Nəzarət-Təftiş Komissiyasının qərarları sadə səs çoxluğu ilə qəbul edilir.

45. Nəzarət-Təftiş Komissiyası Birliyin orqanlarından və üzvlərindən daxil olan müraciətlərə 1 ay müddətində baxıb cavab verməlidir.

VII. BİRLİYİN FƏALİYYƏTİNƏ XİTAM VERİLMƏSİ.

46. Birliyin fəaliyyətinə onun yenidən təşkil edilməsi (birləşmə, qoşulma, bölünmə, ayrılma, çevrilmə) və ləğv edilməsi yollarıilə xitam verilir. Birliyin fəaliyyətinə xitam verilməsi mövcud qanunvericilikdə nəzərdə tutulmuş qaydada həyata keçrilir.

47. Birliyin fəaliyyətinə xitam verilməsi haqqında qərara əsasən ləğvetmə komissiyası yaradılır. Bu andan Birliyin idarəçiliyi ilə əlaqədar bütün səlahiyyətlər ona keçir. Ləğvetmə komissiyası ləğvetmə balansını tərtib edir. Birliyin ləğvi zamanı büdcə ilə hesablaşmalardan və kreditorların tələbləri ödənildikdən sonra qalan əmlak qanunvericiliklə müəyyən olunmuş qaydada Nizamnamə məqsədlərinə, bu mümkün olmadıqda isə dövlət büdcəsinə yönəldilir. Birliyin ləğvi Azərbaycan Respublikasının Mülki Məcəlləsinə və digər qanunvericilik aktlarına əsasən həyata keçirilir.

VIII. DİGƏR ŞƏRTLƏR.

48. Bu Nizamnamədə nəzərdə tutulmayan məsələlər qanunvericiliklə tənzimlənir.

49. Gələcəkdə bu Nizamnamənin müddəaları qanunvericiliklə ziddiyyət təşkil edərsə, qanunvericiliyin müddəaları tədbiq edilir.